પ્રેમલ જ્યોતિ તારો દાખવી, મુજ જીવનપંથ ઉજાળ !

પ્રેમલ જ્યોતિ તારો દાખવી, મુજ જીવનપંથ ઉજાળ !… પ્રેમલo

દૂર પડ્યો નિજ ધામથી હું, ને ઘેરે ઘન અંધાર;

માર્ગ સૂઝે નવ ઘોર રજનીમાં, નિજ શિશુને સંભાળ…પ્રેમલo

ડગમગતો પગ રાખ તું સ્થિર મુજ, દૂર નજર છો ન જાય;

દૂર માર્ગ જોવા લોભ લગીર ન, એક ડગલું બસ, થાય, મારે એક ડગલું બસ, થાય … પ્રેમલo

આજ લગી રહ્યો ગર્વમાં હું, ને માગી મદદ ના લગાર;

આપબળે માર્ગ જોઇને ચાલવા હામ ભીડી મૂઢ બાળ,  હવે માગું તુજ આધાર … પ્રેમલo

ભભકભર્યા તેજથી હું લોભાયો ને ભય છતાં ધર્યો ગર્વ;

વીત્યાં વર્ષને લોપ સ્મરણથી સ્ખલન થયાં જે સર્વ; મારે આજ થકી નવું પર્વ … પ્રેમલo

તારા પ્રભાવે નિભાવ્યો મને પ્રભુ, આજ લગી પ્રેમભેર;

નિશ્ચે મને તે સ્થિર પગલેથી ચલવી પહોંચાડશે ઘેર, દાખવી પ્રેમલ જ્યોતિની સેર … પ્રેમલo

કર્દમભૂમિ કળણ ભરેલી ને ગિરિવર કેરી કરાડ;

ધસમસતાં જળ કેરા પ્રવાહો, સર્વ વટાવી કૃપાળ મુને પહોંચાડશે નિજ દ્વાર … પ્રેમલo

રજની જશે ને પ્રભાત ઊજળશે ને સ્મિત કરશે પ્રેમાળ;

દિવ્યગણોનાં વદન મનોહર મારે હૃદય વસ્યાં ચિરકાળ, જે મેં ખોયા હતાં ક્ષણવાર … પ્રેમલo

- નરસિંહરાવ દિવેટિયા.

Brother (Ashwin Parmar )-poem-HIV

My own creation - Kerala Tour- 7/6/2010

હરિયાળી આ ગિરિકંદરાઓ પર ધુમ્મસ નિહાળી આવી વાલમ મને તારી યાદ,
આમ તો આ પ્રક્રૂતિની પાંગતમાં હરહંમેશ આવે મને તારી યાદ..

ફુલોમાં તું જ મલકતો ભાસે,ઝરણામાં તું ભીંજવતો ભાસે,
પંખીઓની મીથી ગુંજમાં તુજ સાદ,વાદળરૂપે પણ તું શ્વસતો ભાસે,
હરિયાળી,પહાડી,ફુલો ને ઝરણાઓ-આમ તો સઘળુ આપે મને તારી યાદ
પરંતુ ધુમ્મસ,ઝાકળ ને વાદળા-એ તો તુજ રૂપ જાણે સાક્ષાત ! 


ધુમ્મસ આવે પાસ અને થાયે આભાસ,જાણે વાલમ ખુદ આવે છે મુજ પાસ, 
ક્ષણભર થંભી જાયે શ્વાસ,જાણે હમણા જ સ્પર્શીને લેશે બાથ, 
નિહાળુ આસપાસ ચોપાસ,જાણે હમણા મળશે મારો નાથ...
પરંતુ,ધુમ્મસ અને વાલમ -જાણે એકરૂપ સાક્ષાત !


ક્ષણિક થાયે જાણે અહીં જ છે તુ,વસતો મારી આસપાસ ચોપાસ,
પણ...પળભરમાં ક્યાં ઉડી જાયે....!!
ક્ષણિક લાગે હમણા જ લેશે તુજ આગોશમાં,
પણ...ક્ષણભરમાં તું અદ્રશ્ય થાયે..!!
આમ તો હર શ્વાસમાં મારા ધુમ્મસરૂપે તું જ શ્વસતો,
પણ...સ્પર્શવા જાઉં તો છુટી જાયે..!!


અરે પણ ...આ શું..??? કોઈ મને કહેશો આ ઝરણું ક્યાંથી ફુટ્યું??
જાણે વહેતી પ્રિયતમની લાગણીઓ ધોધમાર...!!
નક્કી-ધુમ્મસનું જ આ પરિણામ... 
મારા સાજનની ભીની સંવેદના અપાર....!! 
સઘળી ભ્રમણાઓ વાસ્તવ બનતી નિહાળું આજે... 
જ્યારે તુજને ધુમ્મસમાંથી ઝરણારૂપે ઝરમર ઝરતો..મુજને ભીંજવતો...ભાળું આજે...!!!!

દીકરી મારી લાડકવાયી - Singer- Manhar Udhas

દીકરી મારી લાડકવાયી લક્ષ્મીનો અવતાર,

એ સુવે તો રાત પડે ને જાગે તો સવાર.

દીકરી તારાં વ્હાલનો દરિયો જીવનભર છલકાય

પામતાં જીવન માતપિતાનું ધન્ય થઇ જાય,

એક જ સ્મિતમાં તારા ચમકે મોતીડાં હજાર… દીકરી મારી લાડકવાયી

ઢીંગલા સાથે રમતી ઢીંગલી જેવું મારું બાળ,

રમતા થાકીને ભૂખ લાગે તો ખીર રાખું તૈયાર

રૂપમાં તારાં લાગે મને પરીનો અણસાર… દીકરી મારી લાડકવાયી

કાલી-ઘેલી વાણીથી ઘર ઘૂઘરો થઇને ગૂંજે

પાપા પગલી ચલાવતા બાપનું હૈયું ઝૂમે

દીકરી તું તો માતપિતાનો સાચે છે આધાર…. દીકરી મારી લાડકવાયી

હૈયાના ઝૂલે હેતની દોરી બાંધી તને ઝૂલાવું

હાલરડાંની રેશમી રજાઇ તને હું ઓઢાડું

પાવન પગલે તારા, મારો ઊજળો છે સંસાર…

દીકરી મારી લાડકવાયી લક્ષ્મીનો અવતાર,

એ સુવે તો રાત પડે ને જાગે તો સવાર.

નવજાત શિશુ સુરક્ષા કાર્યક્રમ- ટ્રેનીંગના પહેલા દિવસનો અભ્યાસક્રમ-કાવ્યરૂપે -created by અશ્વીન પરમાર સ્ટાફ બ્રધર કાલાવડ

વ્હાલા વ્હાલા લાગે નાના બાળ,લઈયે એની કાળજીભરી સંભાળ

જીવીત રહેશે જો ઝાઝા બાળ ખુશહાલ બનશે આવતીકાલ

દસે નવ તો જન્મે સાજાનરવા,દસે એકની જો કરીયે વિશેષ પરવા

ઘટશે નવજાત શિશુ મ્રુત્યુદર,નાથી શકશું ઉંચો જન્મદર

જન્મ પહેલા અડધા કલાકે પ્રસુતિરૂમમાં કરીયે તૈયારી

કાળજીપુર્વક કરીયે બંધ પંખા,A.C,બારણા બારી

પછી તૈયાર કરીયે બેબી કોર્નર,હોય તો ચાલુ કરીયે રેડીયન્ટ વોર્મર

નહીં તો ૨૦૦ વોટનો બલ્બ જલાવી,

પછી શોધીયે યોગ્ય મદદનીશ,જે છોડે નહીં છેવટ સુધી સાથ,

પછી કરી લો સાત વસ્તુ એકઠી

ફરી ચોકસાઈ કરીયે,નથી તૈયારી કોઈ અધુરી;,બધી બાબત છે બરાબર તેની કરીયે પુરી ખાતરી

આવી ગઈ શિશુજન્મની વેળા,સહુ સંકલનથી કરીયે કામ ભેળા,

હોય જો ચોખ્ખુ ગર્ભજળ,ઝટપટ કરીયે કોરૂં બાળ

બગાડ વાળુ જો લાગે ગર્ભજળ,તુરંત મોં,નાક માંથી ચુસીયે પ્રવાહીજળ,

પછી કરીયે કોરૂં બાળ,શ્વાસોશ્વાસની કરીયે સંભાળ,

હોય બધું બરાબર તો થશે પ્રાથમિક સંભાળ

ન હોય બરાબર શ્વાસ તો કટ કરીયે નાળ

પછી કરીયે શરૂઆતનાં પગલાનો પ્રારંભ

લાગે બરાબર જો શ્વાસોશ્વાસ,નિરીક્ષણ હેઠળ રાખો સંભાળ

જો શ્વાસોશ્વાસમાં તકલીફ અનુભવે બાળ,અડધી મીનીટ કૃત્રિમ શ્વાસોશ્વાસથી લો સંભાળ

ફરી ચકાસો શ્વાસોશ્વાસ,

ન લાગે બરાબર શ્વાસોશ્વાસ,મદદ માટે મોકલાવો સંદેશ,ચાલુ રાખો કૃત્રિમ શ્વાસોશ્વાસ

પ્રાપ્ય હોય તો ઓક્સીજન આપો,હ્રદય ધબકાર બરાબર ચકાસો

હ્રદય ધબકાર આંક આવે ૧૦૦થી ઓછો, ઓક્સીજન સાથે કૃત્રિમ શ્વાસોશ્વાસ ચાલુ રાખો

આધુનિક સારવાર ફટાફટ શરૂ કરો,સંદર્ભ સેવાની વિના વિલંબે વ્યવસ્થા કરો.

My Favourite Ones Collection-(3) ભક્તિ સમજાવી છે ગીતામાં વાંચજે

ભક્તિ સમજાવી છે ગીતામાં વાંચજે,મનડું પ્રભુના ચરણમાં તુ રાખજે...(૨) 

સંકલ્પો સઘળા પ્રભુને તું સોંપજે,નિર્ણયો જીવનમાં એના તુ માનજે' 
મન-બુધ્ધિ જેના છે,એને તું સોંપજે..મનડું.... 

સંસાર સાગર છે એકલે તરાય ના,ઈશની સહાય વિના પાર ઉતરાય ના, 
જીવનનૈયાનું સુકાન એને સોંપજે...મનડું..... 

ઈશ્વર ના કામે આવેશ સદા રાખજે,આસુરી વૃત્તિનો દ્વેષ દિલે ધરજે, 
ભક્તિની મસ્તીમાં મસ્ત બની નાચજે...મનડું..... 

બ્રહ્મર્ષિ થઈને તું ચિંતન પ્રગટાવજે,રાજર્ષિરૂપે તું વૈભવ વહાવજે, 
દેવર્ષિ થઈ સૌના દિલને ડોલાવજે,...મનડું.....

My Favourite Ones Collection-(2) તને શા લાડ લડાવુ મા

તને શા લાડ લડાવુ મા,તારા લાડ પિછાન્યા મેં;

જોયા જાણ્યા વહાલપ મેં,તારા લાડ પિછાન્યા મેં;...

કહે શું ફુલમાળા પહેરાવું,ફુલમા રમતુ સ્વઋપ જ્યાં તારુ,

ફુલની માફ્ક સાચવતી મા,હ્ર્દયે ચાંપીને મુજને....

કહે શું દીપમાળા પ્રગટાવું,સઘળે તારી જ્યોતિ નિહાળું;

સુરજ સામે શું પ્રગટાવું,મારું દીવડીયું નાનું......

કહે શું આરતી માડી ઉતારું,સઘળે તારી રતિ હું નિહાળું;

કુદરત ગાયે તારુ ગાણું,ત્યાં શું મારું વાજુ વગાડું....

કહે શું શણગારો હું સજાવું,જગસૌંદર્ય સકળ આ તારું,

કાલુઘેલુ આ જગ માનું,તારું બાળ બન્યું છે દિવાનું....

તને શા લાડ લડાવુ મા,તારા લાડ પિછાન્યા મેં;

જોયા જાણ્યા વહાલપ મેં,તારા લાડ પિછાન્યા મેં;...

My Favourite Ones Collection-(1) સમય પલટ્યો ભારતનો માં

સાખી:- કળીકાળ છે કારમો અને દુ:ખીયો છે સંસાર,

       હે... ભક્ત કારણ અંબિકા, તમે ક્યારે ધરશો અવતાર.

       કે સમય પલટ્યો ભારતનો માં વ્હારે વહેલા આવજો

       રૂદન ભૂખ્યા માનવ કેરા સાંભળવાને આવજો..........  સમય પલટ્યો ભારતનો માં

સાખી- એક ઘરમાં વૈભવોનાં ગાન જો સંભળાય છે;

        બીજે ઘરે જ્યાં ભુખથી જીવ ઉડી જાય છે...

તો.......ખબર લેવા રંકજનની ઝુંપડીએ આવજો................   સમય પલટ્યો ભારતનો માં

સાખી- કોઈને છે અન્ન ઝાઝું પેટને ભરવા છતાં;

        મળતું નથી માં કોઈને રાતદીન રળવા છતાં;

તો.......એ ભુખ્યાને  ભોજન દેવા અન્નપૂરણા થઈને આવજો... સમય પલટ્યો ભારતનો માં

સાખી- માતાનાં ખોળામાં બાળક દૂધ વિના જો ને રડે ,

        પણ ભૂખી માંના પેટ જો ને અન્ન વિણ ખાડો પડે;

તો......એ રઝળતા બાળ માં તારા ખોળે લેવા આવજો.......    સમય પલટ્યો ભારતનો માં

સાખી- દુષ્કાળ જડબું ફાડતા માં કંઈક ભક્ષણ થઈ જતા,

        અન્ન ને વસ્તરો વગરના કંઈક આજે રઝળતા;

તો..... પોષવાને સૃષ્ટિ તારી વૃષ્ટિ લઈને આવજો.......        સમય પલટ્યો ભારતનો માં

સાખી- પુણ્યની પુંજી બધી માં આજ પરવારી ગયા.,

       સ્વાર્થ કેરા પાપ પંથે આજ માનવ જઈ ચડયા;

તો....માર્ગ ભૂલેલા માનવ કાજે રાહી બનીને આવજો........    સમય પલટ્યો ભારતનો માં

સાખી- ભવ્યતા ભારત તણી માં આજ સૌ ભૂલી ગયા;

       રામ કેરા રાજ્યમાં રાવણો ફાવી ગયા;

તો.....એ રાવણને મારવાને રામ બનીને આવજો...........      સમય પલટ્યો ભારતનો માં

સાખી-ભકતજનને આજ માતા પાપીજન પજવી રહ્યા;

       તો પણ તમારી ભકતીમાં ગુલતાન થાતા એ રહ્યા;

તો....રક્ષવા એ ભકત  તારા સિહે ચડીને આવજો......    સમય પલટ્યો ભારતનો માં

સાખી- “યદા યદા” મન્ત્ર માતા આજ કાં ભૂલી ગયા ?

       “સંભવામી યુગે યુગે” નાં શબ્દો ખોટા થઈ પડ્યા ?

તો......આજ પુકારે દીન આ બાળક જન્મ લઈને આવજો.....  સમય પલટ્યો ભારતનો માં